Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Persona me kallashnikovë sulmojnë furgonin e blinduar në Itali, bllokohet autostrada

Nga A2 CNN
11 Gusht 2020, 09:02 | Bota

Një grup personash të armatosur sulmoi një furgon të blinduar që përdoret për transportin e sendeve me vlerë përgjatë autostradës A14, 2 kilometra nga dalja e Cerignolas në Foggia.

Agresorët qëlluan me dhjetëra plumba në drejtim të autoblindit dhe kishin vendosur zinxhirë me gozhdë në rrugë për të shpuar gomat e tij. Autostrada gjithashtu ishte bllokuar me disa makina të cilave iu ishte vendosur zjarri.

Në sulm nuk mbeti asnjë person i lënduar. Por grabitësit nuk arritën të merrnin asgjë nga mjeti i blinduar. Nuk dihet ende se përse ata u larguan me shpejtësi duke kaluar trafikndarësin dhe humbur kështu gjurmët. Në mjetin e blinduar po udhëtonin 3 roje.

Sipas policisë, në këtë sulm morën pjesë 8 persona që bllokuan trafikun duke iu vënë zjarrin 3 makinave. Mësohet se ata ishin të armatosur me automatikë kallashnikovë.

A2 CNN Livestream

Debat - nga Alba Alishani