29 vjeçari me Covid hidhet nga kati i tretë i Sanatoriumit, gjen vdekjen

Një 29 vjeçar i infektuar me koronavirus është vetëvrarë mëngjesin e së enjtes në Tiranë. Sipas policisë, viktima është i riu me inicialet Xh. K. nga Durrësi.  

Ngjarja ndodhi në orën 04:30 të mëngjesi, në spitalin universitar “Shefqet Ndroqi”, i njohur si Sanatoriumi dhe i shndërruar së fundmi në spitalin COVID 2.

Sipas policisë, i riu dyshohet të jetë vetëhedhur nga ballkoni i katit të tretë dhe plagët e marra i kanë shkaktuar vdekje të menjëhershme. Shkak i ngjarjes dyshohet të ketë qenë një gjendje e rënduar psikologjike e të riut.

Burime zyrtare të spitalit konfirmuan se 29-vjeçari qëndronte prej 4 ditësh në kujdesin e mjekëve të Sanatoriumit dhe se gjendja e tij shëndetësore ishte e stabilizuar. Por teksa ka qenë në rrugën e përmirësimit, në rrethana ende të paqarta, ai ka ndërmarrë aktin që i mori jetën.

Grupi hetimor i ngritur për ngjarjen ka marrë deklarimet e stafit mjekësor të turnit, si edhe administruar kamerat e sigurisë së institucionit për zbardhjen e plotë të saj të rrethanave të ngjarjes. 

  • LAJMI I FUNDIT | Elbasan, një person qëllon me armë në drejtim të Policisë
  • LAJMI I FUNDIT | Policia: Si pasojë e të shtënave janë plagosur dy kalimtarë
  • LAJMI I FUNDIT | Elbasan, në vendngjarje kanë mbërritur Forcat Shqiponja, pritet FNSH
  • LAJMI I FUNDIT | Ngjarja në Elbasan, Policia: Personi vijon të qëllojë me armë, bën rezistencë
  • LAJMI I FUNDIT | Ngjarja në Elbasan, Policia: Banesa është rrethuar nga Forcat Shqiponja
  • LAJMI I FUNDIT | Elbasan, personi i cili po qëllon, i identifikuar si Lefter Zhidru, 71 vjeç