Covid-19 mbyll dyert e Bashkisë së Vlorës, nuk funksionon as online

Bashkia e Vlorës mbyll dyert dhe ndërpret shërbimin për qytetarët. Rasti i një punonjëse të administratës së bashkisë me Covid-19 ka sjellë mbylljen e këtij institucioni, ndërkohe që duket se mungon edhe shërbimi online.

Mbyllja e institucionit është konfirmuare dhe nga kryetarja e këshillit të Bashkisë, Migena Balla, në mbledhjen jashtë radhe të zhvilluar gjatë kësaj të premteje. Ndërkohë, veç institucionit të Bashkisë, në të njëjtën situatë mbeten dhe zyrat e gjendjes civile në Vlorë të cilat janë të mbyllura për shkak të situatës nga Covid-19.