Policia e Korçës, në bashkëpunim me Policinë Kufitare dhe komisariatin e Pogradecit vunë në pranga një person i cili ishte duke transportuar emigrantë të paligjshëm me mjetin e tij.
Në vijim të operacionit policor "Perimetri" u arrestua 35 vjeçari nga Tirana A.SH. i cili po transportonte drejt kryeqytetit 15 emigrantë të paligjshëm me furgonin e tij.
Ky shtetas nuk i është bindur gjatë ndjekjes urdhrit të policisë për të ndaluar, por më pas u neutralizua.
Materialet i kaluan Prokurorisë të Rrethit Gjyqësor Pogradec për veprat penale "Ndihma për kalim të paligjshëm të kufijve, kryer në bashkëpunim" dhe "Mosbindja ndaj urdhrit të punonjësit të policisë së rendit publik".