Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Vijojnë protestat në Bjellorusi, Rusia: Do t’iu mbështesim në rast ndërhyrje të jashtme

Nga A2 CNN
16 Gusht 2020, 18:57 | Bota

Një tjetër ditë protestash në Minsk, kundër fitores se diskutueshme të presidentit Aleksandër Lukashenko në zgjedhjet e fundjavës së kaluar. I ashtuquajturi ‘’Marshi i Lirisë’’, vjen mes zemërimit në rritje lidhur me manipulimin e pretenduar të rezultateve zgjedhore dhe dhunës policore gjatë protestave që pasuan.

Ndërkaq, qindra mbështetës të Lukashenkos kanë zhvilluar kundër protesta në kryeqytet. Sipas raportimeve në to po detyrohen të marrin pjesë punonjës të administratës publike. 

Manifestimet zhvillohen pasi Lukashenko tha se Rusia kishte shprehur gatishmërinë të ofronte asistencë të sigurisë, në rastin e kërcënimeve të jashtme ushtarake. Moska pretendon se forca te huaja po përpiqen të destabilizojnë vendin.

https://www.youtube.com/watch?v=RhQi_4cVaKI

Njeriu që mban pushtetin që prej viti 1994, shprehu gjithashtu shqetësimet për stërvitjet ushtarake të NATO-s në Poloninë dhe Lituaninë fqinje.  Në lutjen e së dielës, Papa Francesku bëri thirrje për respektim të drejtësisë dhe të të drejtave të njeriut në Bjellorusi.

https://a2news.com/2020/08/11/viktima-gjate-protestave-ne-bjellorusi-opozitarja-tikhanovskaya-largohet-nga-vendi/

Bashkimi Europian ka kërcënuar të sanksionojë vendin pas shtypjes së egër të protestave, ku 2 persona u vranë dhe mijëra të tjerë janë arrestuar.

https://a2news.com/2020/08/09/tension-ne-bjellorusi-per-zgjedhjet-presidenciale-per-here-te-pare-ka-opozite-ndaj-lukashenkos/

A2 CNN Livestream

Ditari nga Bruna Çifligu