Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Denoncimi i Luçiano Boçit: Konkurse fiktive, drejtorët e shkollave zgjidhen nga kryetarët e PS-së

Nga A2 CNN
21 Gusht 2020, 11:09 | Politikë
Denoncimi i Luçiano Boçit: Konkurse fiktive, drejtorët e

Ish-deputeti i Partisë Demokratike, Luçiano Boçi, denoncoi ato që i quajti “pseudo-konkurse për të sanksionuar politikisht në drejtim të institucioneve arsimore njerëzit e saj të thekur”.

“Nuk mjaftoi që prej 2013 pjesa më e madhe e drejtorëve të shkollave, në shkelje flagrante e me çdo ligj e moral, ishin të komanduar. Pasi shpikën “Shkollën e partisë së drejtorëve”, tani rilindja kërkon fare hapur të realizojë pseudo-konkurse, për të sanksionuar politikisht në drejtim të institucioneve arsimore njerëzit e saj të thekur. Fushata pothuaj ka filluar dhe kamikazët, sidomos në arsim, duken të domosdoshëm. Këta mund të kërcënojnë, detyrojnë e dhunojnë hapur mësuesit e nxënësit për votën. Pa pasur as turp, as stepje se po degradojnë më shumë arsimin, komisionet e konkurseve diktohen me urdhër të pastër politik”, shprehet Boçi.

“Në Librazhd, për ZA-në atje, anëtare e komisionit të “konkursit” është dhe kryetarja e PS, E. Poçi. Ka ardhur me letër të posaçme nga partia (Bashkia). A thua është konkurim për kryetar grup seksioni partie?! Kryetarja e PS e komisionit për drejtorë, patjetër nuk harron t’i përcjellë komisionit direktivat e shokut Taulant! E mendoni tani se çfarë drejtësie ka aty, kur çdo anëtar komisioni sheh me sy nga kryetarja e PS për çdo mendim e votë?! A mos vallë pritet të emërohen më të mirët, apo më të aftët?! As mos e mendoni. Nëse nuk është militant, shkallën e angazhimit të cilës e cakton kryetarja e partisë, nuk ka shanse. Që do ishin politike këto pseudo-konkurse për drejtorë kjo dihej, por ta kishin bërë pak me lezet të paktën. Mirë që janë arrogantë, harbutë dhe dhunues të ligjit, por janë dhe banalë dhe të pacipë”, shtoi Boçi.

A2 CNN Livestream

Dita jonë