Rrufeja vret 10 fëmijë që luanin futboll

133650952 19a9e3f4 41de 4ac8 a92f 957bdf580e72 600x338

Një tragjedi e vërtetë është regjistruar në Ugandë, ku 10 fëmijë të moshës 13-15 vjeç humbën jetën pasi u goditën nga një rrufe.

Të miturit ishin duke luajtur futboll në qytetin e Arua dhe u futën poshtë një ndërtese me çati llamarine e cila u godit nga rrufeje, duke iu marrë jetën.

3 fëmijë kanë mundur të mbijetojnë nga shkarkesa gjigante elektrike dhe ndodhen në gjendje të rëndë në spital.

Rajoni veriperëndimor i Ugandës është përfshirë nga shira të rrëmbyeshëm në ditët e fundit që herë pas herë janë shoqëruar dhe me stuhi.

Ngjarja konsiderohet si një ndër më të rëndat në vend që nga 2011, kur 18 fëmijë humbën jetën pasi shkolla e tyre u godit nga një rrufe.