Më shumë “like” në Twitter se çdo postim tjetër, njoftimi i vdekjes së Chadwick Boseman thyen rekord

Aktori Chadwick Boseman, i cili ndërroi jetë në 28 gusht pas një lufte të gjatë me kancerin, vijon të thyejë rekorde.

Twitter ka njoftuar se njoftimi për vdekjen e tij, që u postua në profilin e aktorit në këtë rrjet social, është bërë postimi me më shumë “like” në histori. Ky postim ka marrë 6,8 milionë “like” dhe 3 milionë “retweet”.

43-vjeçari, i cili u bë i famshëm me rolin e tij në “Black Panther”, kishte 4 vite që luftonte ma kancerin në zorrën e trashë, por gjatë kësaj kohe vazhdoi të xhironte filma dhe askush përveç rrethit të tij të ngushtë nuk e dinte problemin shëndetësor të tij.