Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Nisja e vitit të ri shkollor, protestë e gjimnazistëve në Maqedoninë e Veriut

Nga A2 CNN
31 Gusht 2020, 22:26 | Ballkani
Nisja e vitit të ri shkollor, protestë e gjimnazistëve në

Nxënësit e shkollave të mesme në Maqedoninë e Veriut zhvilluan një protestë përpara selisë së qeverisë kundër zhvillimit të mësimit online.

Ata kërkojnë zhvillimin e një procesi mësimor të kombinuar, ku mund të ketë dhe orë që mund të zhvillohen në rrjet. Protesta e tyre zgjati për disa orë, por gjimnazistët paralajmërojnë se duan që kërkesat e tyre të plotësohen menjëherë, pasi në të kundërt nga 1 tetori do ta bojkotojnë këtë lloj të arsimimit.

Ata thonë se nëse kërkesat e tyre nuk dëgjohen nga institucionet, do të vazhdojnë protestat e tyre edhe më fuqishëm duke i përshkallëzuar protestat në të gjitha qytetet e vendit.

Kërkesat e gjimnazistëve në Maqedoninë e Veriut:

  1. Nxënësit të njihen si partnerë në të gjitha proceset e vendimmarrjes në politikë dhe në shoqërinë civile.
  • Mësim i kombinuar si e vetmja mënyrë e procesit mësimor për aq kohë sa do të vazhdojë pandemia.
  • Qasje e decentralizuar, ku secila komunë apo shkollë të vendosë mënyrën e vet të mësimbajtjes në varësi të kushteve.
  • Në shkollat profesionale, praktika të zhvillohet me prezencë fizike.
  • Të respektohen masat e higjienës personale, me të gjitha pajisjet e duhura në këtë kohë pandemie

A2 CNN Livestream

Dita jonë