Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Rama: Nga sot jemi kandidatë për deputetë, kush nuk jep sa duhet nuk është në formacion

Nga A2 CNN
1 Shtator 2020, 18:35 | Politikë
Rama: Nga sot jemi kandidatë për deputetë, kush nuk jep sa duhet

Pas mbledhjes së grupit parlamentar në qytetin e Elbasanit këtë të martë, kryeministri Rama tha se të gjithë në PS duhet të bëjnë maksimumin deri në zgjedhje për të siguruar një mandat të ardhshëm.

Ai paralajmëroi grupin aktual parlamentar se vendi i tyre nuk është i sigurt dhe nga sot janë kandidatë për deputetë në zgjedhjet e ardhshme dhe nëse nuk japin aq sa duhet nuk do të jenë në formacion.

“Nga sot deri kur të paraqitemi para qytetarëve ka vetëm një gjë që duhet të kërkoni nga vetja, llogari. Unë ju njoh dhe e di shumë mirë që ju nuk i meritoni paragjykimet. Kush dhe si duhet ta godasë dhe si stereotipin e deputetit. Forca e shembullit alternativa e vetme, çdo gjë tjetër e përforcon. Shembujt ne i kemi në këtë grup parlamentar dhe fatkeqësisht nuk janë pak, por sërish nuk mjaftojnë.

Nuk dyshoj se nëse do të votohej këtë të diel ne nuk do t’i fitonim zgjedhjet, por nuk besoj se do t’i fitonim të gjitha zemrat e atyre që na kanë votuar apo të atyre që nuk na kanë votuar, por nuk e kanë votuar dhe nuk e votojnë forcën kundërshtare.

Këtë të diel ne do të merrnim më pak vota sa meritojmë, ndërsa ata do të merrnin më pak sa kanë marrë herën e fundit. Ne do të merrnim më pak vota sepse populli pret shumë më shumë nga ne dhe se populli nuk pret asgjë nga ata dhe ka të drejtë. Kur unë pres më shumë nga vetja dhe nga ju, imagjinoni dikush që nuk ka as ngenë dhe as arsyen që të justifikojë mungesën e gjërave që pret apo të shohë të njëjtën vëmendje për të parë me lupë çfarë ne kemi bërë dhe të arsyetojë pse nuk bënim dot më shumë.

Ne kemi mjaftueshëm kohë për të përmbushur pritshmëritë. Kemi mjaftueshëm kohë për ta ristartuar kompjuterit për procesin e rikrijimit të skuadrës fituese. Troç farë, deputetë jemi në sallën e kuvendit, ndërsa jashtë saj nga sot jemi kandidatë për deputetë. Kush nuk do të japë jo thjesht gjithçka ka, por gjithçka duhet, nuk do të jenë në atë formacion e ardhshëm”, u shpreh Rama.

https://a2news.com/2020/09/01/rama-duam-mandatin-e-trete-per-here-te-pare-shqiptaret-nuk-e-kane-nje-alternative-me-te-mire/
https://a2news.com/2020/09/01/pergatitjet-per-mandatin-e-trete-rama-do-kete-nje-proces-vleresimi-nga-anetaresia/
https://a2news.com/2020/09/01/mbledhja-e-grupit-te-ps-a2-zbardh-disa-nga-drejtuesit-e-qarqeve-rama-shkon-ne-durres/
https://a2news.com/2020/09/01/paloka-ironizon-ramen-xhaja-filloi-te-zbuloje-armiq-ka-filluar-te-rrjedhe-nga-pleqeria/?fbclid=IwAR2BvCa7VfELqzWRxCGCpN815rvcMSOGNmWdsmz5n_q79-12hPYSu-peWs4
https://a2news.com/2020/09/01/kryemadhi-reagon-ndaj-rames-kryeministri-i-deshtuar-refuzon-te-shohe-alternativen-me-te-mire/

A2 CNN Livestream

Dita jonë