Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Kukës, rruga në lagjen Gostil rrezikon fëmijët

Nga A2 CNN
10 Shtator 2020, 10:48 | Aktualitet
Kukës, rruga në lagjen Gostil rrezikon fëmijët

Banorë të lagjes Gostil, në qytetin e Kukësit, përveç problematikave të tjera, në prag të fillimit të vitit shkollor, kanë edhe një problem mjaft serioz, që është siguria e fëmijëve dhe e prindërve gjatë rrugës për në shkollë. Përmes kësaj lagje kalon rruga nacionale, Kukës-Gostil, që lidh Kukësin me fshatin Bicaj. Ky segment rrugor është shumë i rrezikshëm dhe burim aksidentesh.

Rruga është në vijë të drejtë në një gjatësi prej 5 kilometra dhe sipas banorëve, kjo bën që drejtuesit e automjeteve të tejkalojnë normat e lejuara të shpejtësisë në mungesë të kontrollit të rrugorëve apo masave të tjera parandaluese.

Këtë aks rrugor vitet e fundit kanë ndodhur dhjetëra aksidente me 12 viktima, ku më i fundit ka ndodhur rreth dy javë më parë, me pasojë humbjen e jetës të një minoreni 11-vjeçar.

A2 CNN Livestream

Dita jonë