Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Operacioni “fshesa”, Messi ndryshon planet e Barcelonës, 12 lojtarë drejt largimit

Nga A2 CNN
11 Shtator 2020, 14:34 | Futboll
Operacioni “fshesa”, Messi ndryshon planet e Barcelonës, 12

Barcelona ia doli të mbajë në Katalonjë kapitenin Leo Messi, por nuk mund të bëjë të njëjtën gjë me gati 12 futbollistë të tjerë të skuadrës. Qëndrimi i kapitenit përmbysi edhe një herë planet e trajnerit Koeman për formacionin e katalanasve dhe tashmë drejtuesit e klubit duhet të sigurojnë të ardhurat e mjaftueshme për të përforcuar skuadrën dhe mbi të gjitha, për të mbyllur hapësirat e krijuara nga largimi i disa prej titullarëve.

Shkëputja e Luis Suarez dhe Arturo Vidal nga Barcelona tanimë është çështje e mbyllur. Uruguajani mbetet ende mes Juventus dhe Atletico Madrid ndërsa futbollisti kilen ka akord të plotë me Interin dhe do të transferohet në Itali ditët e ardhshme. Por këta dy futbollistë nuk janë të vetmit që do lënë Katalonjën.

Samuel Umtiti, një tjetër pjesë e rëndësishme e formacionit blaugrana, mund të lërë Barcelonën për t’u rikthyer në vendlindje, atje ku e presin francezët e Lyon.

Martin Baithwait, një tjetër lojtarë i ardhur me bujë te blaugranët është në ankand, me Barcan që kërkon 20 milionë për kartonin e tij.

Më tej, shumë të rinj janë vendosur gjithashtu në shitje nga klubi spanjoll duke nisur nga Todibo, Junior, Vag, Monçu, Huan Miranda apo Oriol Buskets për të cilët po vlerësohen ofertat më të mira. Barcelona synon të afrojë të paktën tre emra të mëdhenj për t’u kompletuar dhe rikthyer edhe një herë konkurruese në Spanjë dhe Europë.  

A2 CNN Livestream

Debat - nga Alba Alishani