Koronavirusi në Kosovë, nuk ka viktima për të dytën ditë rresht

kosova koronavirusi 1 1100x620

Për të ditën dytë radhazi nuk është regjistruar asnjë viktimë nga koronavirusi në Kosovë. Lajme të mira vijnë edhe nga testimet e popullsisë, ku nga 580 të kryera kanë rezultuar pozitiv vetëm 46 raste.

Në total, numri i rasteve të konfirmuar me Covid-19 në Kosovë është 15620, prej të cilave 1441 aktive, ndërsa numri total i viktimave është 625.

Gjatë 24 orëve të fundit janë shëruar 62 pacientë, numri i përgjithshëm i të shëruarve deri më sot është gjithsej 13554.