Gjiknuri i përgjigjet opozitës për Kodin: Modeli italian? Nuk ka lidhje me sistemin shqiptar

gjiknuri 2 1100x620

Përfaqësuesi i Partisë Socialiste, Damian Gjiknuri, i është përgjigjur akuzave të eksponentëve të PD-së dhe LSI-së mbi Kodin Zgjedhor.

Me anë të një postimi në rrjetet sociale, Gjiknuri deklaron se për muaj të tërë PS i ka kërkuar opozitës jashtëparlamentare të sillte “qoftë edhe vetëm një shembull të një vendi evropian, anëtar të OSBE-së, që zbaton sistemin proporcional rajonal me lista të hapura dhe me koalicione të përbëra siç ata i dëshironin”.

Sot në konferencën e tyre për shtyp, Oerd Bylykbashi dhe Petrit Vasili folën për ligjin italian. Por Gjiknuri mohon që ai të jetë shembulli i duhur.

Tre muaj rresht, në çdo komunikim zyrtar, në çdo deklarim publik, në çdo mbledhje të grupit negociator të Këshillit…

Posted by Damian Gjiknuri on Sunday, October 4, 2020

“A ka njeri ta besojë se këtyre u kishte shpëtuar padashje e jashtë vëmendjes një model i një vendi mik e fqinj dhe e zbuluan ditën e fundit? Natyrisht që jo! Ata e dinë shumë mirë, por thjesht duan të kryejnë tentativën e fundit të dëshpëruar për të penguar e zvarritur reflektimin e ndryshimeve Kushtetuese në Kodin Zgjedhor”, thotë Gjiknuri duke sqaruar se sipas tij “modeli italian është me dy dhoma e miks, pra mazhoritar 1/3 dhe proporcional me lista të mbyllura 2/3 e vendeve. Dukshëm nuk ka lidhje me sistemin që zbaton Shqipëria, proporcionalin rajonal me lista të hapura”.