Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Akuzohet për vrasjen e George Floyd, del nga burgu polici, pagoi 1 milion dollarë

Nga A2 CNN
7 Tetor 2020, 23:35 | Bota
Akuzohet për vrasjen e George Floyd, del nga burgu polici, pagoi 1 milion

Derek Chauvin është sërish një njeri i lirë. Protagonisti i një prej ngjarjeve më të bujshme të viteve të fundit në Shtetet e Bashkuara, punonjësi i policisë që me metodat e tij brutale akuzohet se vrau afro-amerikanin George Floyd, është larguar nga burgu i sigurisë së lartë të Oak Park në Minesota, pas pagesës së 1 milion dollarëve garanci. Ish-polici do të presë në këtë mënyrë gjyqin, i parashikuar për në mars, nga shtëpia e tij.

Momentet e fundit të Floyd, lutja e tij për të marrë frymë lirshëm, e filmuar nga disa dëshmitarë dhe e  shpërndarë, pothuajse, menjëherë në rrjetet sociale,  u shndërrua në simbolin e një situate gjithmonë e më të nderë midis autoriteteve policore edhe komunitetit afro-amerikan.  

Metodat brutale të përdorura nga Chauvin u cilësuan si një ekzekutim publik dhe reagimi fillimisht i komunitetit afro-amerikan dhe të gjithë personave të përfshira në lëvizjen Black Lives Matter çoi në një valë protestash në qytetet kryesore amerikane, ku përkrah kërkesave anti-raciste dhe për një ndryshim thelbësor të protokollit të ndalimit të të dyshuarve, u regjistruan edhe episode të dhunshme dhe vandalizmi.

https://a2news.com/2020/06/13/akuzohet-per-vrasjen-e-geroge-floyd-mund-te-marre-mbi-1-milione-dollare-nga-pensioni/

Sot Chauvin akuzohet për vrasje, nuk mund të punojë më për forcat e rendit dhe as të mbajë armë, si dhe nuk i lejohet asnjë kontakt me familjen e viktimës. Me daljen e Chauvin nga burgu, të katër punonjësit e policisë së përfshirë në ngjarjen tragjike të 25 majit, janë tashmë larg qelisë.

A2 CNN Livestream

Debat - nga Alba Alishani