Paralajmërimi i BB: Thellohet varfëria. 41,5% e popullsisë me më pak se 5,5 dollarë në ditë

varferia 1100x620

Përveç rënies së fortë të ekonomisë, Banka Botërore evidenton edhe një tjetër rrezik të madh për Shqipërinë, që është rritja e varfërisë.

Në raportin e Rishikimit Ekonomik të vjeshtës për Europën dhe Azinë Qendrore, evidentohet se kriza që ka shkaktuar COVID-19 po shton varfërinë, një rrjedhojë kjo e rritjes së papunësisë.

Banka Botërore parashikon që varfëria e moderuar, që nënkupton pjesën e popullsisë që jeton me më pak se 5,5 dollarë për person në ditë, të rritet me rreth 5%. Sipas vlerësimeve të bankës, ky tregues që është aktualisht në 35,6% pritet të shkojë në rreth 41,5%.