Rritja e rasteve, Italia bën të detyrueshme mbajtjen e maskave në ambientet e jashtme

Italia e ka bërë të detyrueshme mbajtjen e maskave në ambientet e jashtme, në të gjithë vendin, në një përpjekje për të ulur infeksionet në rritje të Covid-19.

Maskat duhet të mbahen në dyqane, zyra, në transportin publik dhe në bare e restorante.

Vendi fqinj ka pasur një rritje të vazhdueshme të rasteve të reja në dy muajt e fundit, megjithëse shifrat janë akoma shumë më të ulëta se ato të regjistruara në vendet e tjera si Franca, Spanja dhe Britania.

Kryeministri Giuseppe Conte, tha se duheshin marrë masa të ashpra për të shmangur rikthimin në një izolim që do të shkatërronte ekonominë.

Megjithëse, në muajt e fundit qeveria ka arritur ta mbajë virusin nën kontroll më mirë se shumë vende të tjera europiane, rastet ditore në 24 orët e fundit kanë tejkaluar shifrën 3,000 për herë të parë që nga 24 prilli.

Italia, gjithashtu, njoftoi testimin e detyrueshëm për këdo që udhëton nga Mbretëria e Bashkuar, Holanda, Belgjika dhe Republika Çeke.