Pasi presidenti, Ilir Meta i kërkoi kryeministrit të tregojë publikisht se ku dhe me cilin subjekt të OFL-së është takuar, ka reaguar kryeministri Rama.
Përmes një postimi në Twitter, kreu i qeverisë pyet Metën se çfarë borxhi i kanë shqiptarët, të durojnë shkallimet e tij të përditshme.
"Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sëkëlldisin jo veç të gjallët po edhe të rënët për liri të këtij vendi, të cilëve u je qepur me dekoratat e me fjalimet e tua qesharake!", shkruan Rama.