Sot, Asambleja e PS, zgjidhen Kryesia dhe Sekretariati

asambleja e ps frame 705 1100x620

Sot, në orën 15:30, socialistët do të mbledhin Asamblenë Kombëtare, e shtyrë disa herë në kohë me argumentin e shmangies se grumbullimeve për shkak të pandemisë.

Pikë kryesore, e rendit të ditës, është zgjedhja e organeve drejtuese të partisë dhe është me interes të kuptohen emrat që do të jenë pjesë e Kryesisë dhe Sekretariatit, disa muaj para zgjedhjeve parlamentare.

Gjatë shtatorit, ishin më të forta pritshmëritë se do të kishte lëvizje në kabinetin qeveritar. Aktualisht ka vetëm një ndryshim, zëvendësimi i Besa Shahinit për Evis Kushin.

Po nëse ka kaluar ankthi për ministrat e tjerë, do ta tregojë kryeministri Rama, sot në fjalën hapëse të Asamblesë pranë Amfiteatrit të Tiranës.

Pritet të përcaktohen edhe piketat për zgjedhjet e 25 prillit, nga përgatitjet në terren deri te objektivi për të siguruar më shumë se 800 mijë vota, me synimin e një mandati të tretë qeverisës. Në këtë mbledhje pritet të prezantohet edhe platforma për vlerësimin nga anëtarësia.