Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Ky diamant i rrallë mund të shitet 38 milionë dollarë

Nga A2 CNN
13 Tetor 2020, 10:30 | Lifestyle
Ky diamant i rrallë mund të shitet 38 milionë dollarë

Një diamant  i rrallë, në ngjyrë rozë-vjollcë, është vendosur në shitje, nga shtëpia e ankandit Sotheby's që vlerëson se ajo mund të arrijë deri në 38 milionë dollarë.

Guri i çmuar, 14.83 karat, i quajtur "Shpirti i Trëndafilit", do të dalë në shitje në Zvicër muajin tjetër, më shumë se tre vjet pasi u zbulua në një minierë në verilindje të Rusisë.

Duke marrë emrin nga baleti rus i vitit 1911 "Le Specter de la rose", xhevahiri u pre nga një diamant edhe më i madh i përafërt.

Sipas Gary Schulet, kryetar i sektorit të bizhuterive të Sotheby, veçantia e diamantit është madhësia dhe ngjyra e tij. Po ashtu, ai i përket një nëngrupi të rrallë të diamanteve që përmbajnë pak ose aspak azot.

Megjithatë, vlera e diamantëve rozë po rritet më shpejt se çdo ngjyrë tjetër, sipas organizatës jofitimprurëse Fancy Color Research Foundation, e cila zbuloi se çmimet u rritën me 116% midis 2010 dhe 2019.

Në vitin 2017, një diamant rozë 59.60 karat i njohur si Ylli Rozë u bë xhevahiri më i shtrenjtë që është shitur ndonjëherë në ankand kur ai u shit për 71.2 milionë dollarë në Sotheby's në Hong Kong.

A2 CNN Livestream

Debat - nga Alba Alishani