“Ka sfiduar drejtësinë dhe popullin”, Rama: Përshëndes ILD për kallëzimin e gjyqtarit

Rama asambleja ps 4 1100x620

Kryeministri Rama ka reaguar me anë të një postimi në Twitter, pasi Inspektori i Lartë të Drejtësisë kallëzoi gjyqtarin Markelian Kuqo, i cili liroi në mënyrë të dyshimtë Gerd Gjinerarin, i dënuar për vrasjen e Arben Grorit në Itali më ’97.

Rama e quan gjyqtarin një të paudhë që a sfiduar hapur drejtësinë dhe popullin.

“Përshëndes Inspektorin e Lartë të Drejtësisë për kallzimin e një të paudhi me çyrk gjykatësi që ka sfiduar hapur drejtësinë dhe popullin, duke liruar një të dënuar me burgim të përjetshëm! Më në fund një hap i vonuar në rrugën e duhur të vendosjes së drejtësisë në drejtësi”, mbyllet postimi i Ramës.