Basha: Gjoba, përgjigjja dhe masa e vetme e Ramës ndaj pandemisë

basha 2020 10 16 at 12.24 1 1100x620

Kreu i Partisë Demokratike, Lulzim Basha, deklaroi në konferencë për shtyp se Edi Rama nuk ndërmerr asnjë masë dhe nuk ka asnjë përgjigje për pandeminë, përveç gjobës për qytetarët.

“Vetëm gjoba për bizneset dhe për qytetarët, vetëm gjoba për të mbushur një thesar që zbrazet. Dje (Rama) tha që nuk do të ketë paketë të tretë. Vetëm gjobën ka si masë dhe përgjigje Edi Rama ndaj pandemisë”, deklaroi Basha.

Sipas kryedemokratit, “nuk ka asnjë transparencë mbi numrin e testimeve nga shteti dhe numrin e testimeve që bëjnë privatisht vetë qytetarët”.

Basha përsëriti thirrjen që qeveria të zbatojë planin me 5 pika të prezantuar nga Partia Demokratike.