Gjashtë viktima nga koronavirusi në Maqedoninë e Veriut

koronavirusi ne maqedonine e veriut 1 1100x620

Maqedonia e Veriut ka regjistruar 438 raste të reja me koronavirus.

Qyteti më i prekur vijon të jetë Shkupi, ku ditën e fundit kanë rezultuar 200 të infektuar. Ndërkohë, kanë ndërruar jetë gjashtë pacientë, për një total prej 821 humbje jetësh.

Fatmirësisht gjatë 24 orëve të fundit janë regjistruar edhe 191 persona të shëruar.

Që nga fillimi i pandemisë, në Maqedoninë e Veriut janë infektuar 22.607 persona, ndërkohë që aktive mbeten 4837 raste.

Kujtojmë se ditën e djeshme, u regjistruan 535 raste, shifra më e lartë e të infektuarve brenda një ditë që nga fillimi i pandemisë në Maqedoninë e Veriut.