SHBA arreston ish-ministrin meksikan të Mbrojtjes

hypatia h c14e9ceeda248d484d804fc58f6a218d h 5655e42a9bbe7ec0c01bf837e8c83f52 1100x620

Ish-ministri i Mbrojtjes së Meksikës, Gjenerali Salvador Cienfuegos Zepeda, është arrestuar nga autoritetet amerikane në Aeroportin Ndërkombëtar të Los Angeles. Lajmin e dha në Twitter ministri i Jashtëm meksikan, Marcelo Ebrard.

Ai tha se u informua për arrestimin nga ambasadori amerikan në Meksikë, Christopher Landau.

Ende nuk dihet akuza që rëndon mbi Cienfuegos Zepeda, ndërsa vetë autoritetet amerikane nuk e kanë konfirmuar arrestimin e tij.

Cienfuegos Zepeda ka qenë ministër i Mbrojtjes në Meksikë nga viti 2012 deri në vitin 2018.