Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Theu rekordin e Bugatti Chiron, njihuni me makinën më të shpejtë në botë

Nga A2 CNN
19 Tetor 2020, 18:11 | Teknologji

Barriera e 500 km/h e shpejtësisë maksimale për një makinë është kapërcyer. SSC Tuatara është makina më e shpejtë në botë, pasi arriti në rrugë një shpejtësi prej 508,73 km/h, duke thyer kështu rekordin që mbahej nga Bugatti Chiron (490,484 km/h), rekord i regjistruar në pistë.

Piloti Oliver Webb e ka regjistruar këtë rekord në Nevada të Shteteve të Bashkuara të Amerikës. SSC Tuatara bëri vajtje-ardhje një rrugë 10 km të gjatë, duke shënuar shpejtësitë 484,53 km/h dhe 532,93 km/h, për një mesatare prej 508,73 km/h, që do të jetë shpejtësia e regjistruar si rekord.

Pas regjistrimit të rekordit, piloti tha: “Makina mund të jepte edhe më shumë nëse do të ishin kushtet e favorshme. Era na pengoi të ishim edhe më të shpejtë”.

A2 CNN Livestream

Debat - nga Alba Alishani