Dy viktima nga shpërthimi në një dyqan në Londër

londer shperthim 1100x620

Dy persona kanë mbetur të vrarë nga shpërthimi në një dyqan në Londrën perëndimore, ndërsa një fëmijë dhe katër të rritur janë shpëtuar nga vendi i ngjarjes. Lajmi është konfirmuar nga autoritetet zjarrfikëse për mediat britanike.

Shpërthimi ndodhi në një dyqan poshtë banesave në zonën e Southall.

Zjarrfikësit e Londrës thanë që ekipet po ndërmerrnin një “operacion të ndërlikuar” në vendin e ngjarjes në King Street.

Zjarrfikësit u thirrën pak para 6.40 të mëngjesit, ndërsa gjashtë makina zjarrfikëse dhe rreth 40 zjarrfikës morën pjesë në operacion.