“Një nga personat kyç për hetimin e inceneratorëve është kërcënuar”, Basha apel SPAK: Përgjegjësi nëse të dyshuarit ikin

27 TETOR BASHA KONFERENCE frame 16492 1100x620

“Çojini një sinjal që ekzistoni, tregojuni shqiptarëve që nuk ka humbur shpresa se edhe ju si të tjerët para jush jeni gojëkyçur para mafies në pushtet. Justifikoni besimin e ndërkombëtarëve bëni të mundur që të dyshuarit e dëshmitarët mos të zhduken e shkojnë në drejtim të paditur”.

Me këtë mesazh, kryedemokrati Basha kërkon nga SPAK të nisë pyetjen e të dyshuarve kryesorë të përfshirë në aferën e inceneratorëve dhe mbrojtjen e çdo dëshmitari kyç në aferë para se të ikin në drejtim të paditur.

Ky reagim i Bashës erdhi pasi foli me emra konkretë për persona të kërcënuar nga mafia e inceneratorëve.

“Një nga personat kyç për hetimin e inceneratorëve, Stela Gugallja është vënë nën presion nga mafia”, deklaroi ai, ndërsa paralajmëroi SPAK-un se do të mbajë përgjëgjësi nëse të dyshuarit ikin në drejtim të paditur.

“Paralajmëroj SPAK-un, që nëse të dyshuarit e të pandehurit ikin në drejtim të paditur është për shkak të përgjegjësisë së tyre dhe avashllëkut që po trajtojnë këtë aferë për të shmangur kërcënimin e dëshmitarëve dhe vazhdimin e vjedhjes”.

Basha foli me emra konkretë edhe kur u pyet për mafien e ilaçeve. Sipas tij, gjithë politika shëndetësore vërtitet rreth Tom Doshit.