Grabitet banka në Milano, autorët largohen nga kanalizimet e ujërave të zeza

Persona të armatosur kanë grabitur, mëngjesin e së martës, një bankë në qytetin italian të Milanos.

Sipas raportimeve nga vendngjarja, grabitësit e armatosur hynë në bankë në sheshin Ascoli dhe kërcënuan të pranishmit aty duke i detyruar t’iu jepnin paratë, për t’u larguar më pas përmes kanalizimeve të ujërave të zeza.

Tashmë një operacion i gjerë policor ka nisur për kapjen e autorëve përgjegjës për grabitjen e bankës.

Hetuesit edhe pse të rezervuar tregojnë se grabitësit hynë në degën e bankës “Credit Agricole” përmes një vrime të hapur nga një pallat ngjitur. Ata kapën në befasi drejtorin dhe dy punonjësit e tjerë, të cilët i kërcënuan me armë që t’iu dorëzonin paratë.

Fatmirësisht ata kanë marrë vetëm paratë që ndodheshin në kasat e sigurisë pasi kasaforta nuk ishte hapur ende. Sipas të dhënave paraprake, grabitësit ishin 6. Më pas ata hodhën tymuese për t’u futur në kanalizimet e ujërave të zeza dhe u larguan.

  • LAJMI I FUNDIT | Koronavirusi në Shqipëri, 13 viktima në 24 orët e fundit
  • LAJMI I FUNDIT | Koronavirusi në Shqipëri, 782 raste në 24 orët e fundit
  • LAJMI I FUNDIT | Koronavirusi në Shqipëri, 572 të shëruar në 24 orët e fundit
  • LAJMI I FUNDIT | MSH: 480 pacientë të shtruar në spital, 33 në terapi intensive, 14 të intubuar