Koronavirusi në Kosovë, 8 viktima dhe mbi 300 raste

Kosove koronavirus 1100x620

Kosova ka shënuar 334 raste pozitive me koronavirus nga 1621 testime, në 24 orët e fundit.

Qyteti më i prekur vijon të jetë Prishtina me 157 infeksione ditore.

Instituti i Shëndetit Publik ka njoftuar se përpos numrit të lartë të rasteve të reja, vendi ka regjistruar edhe tetë viktima, për një total prej 705 humbje jetësh.

Me shifrat e sotme, numri i rasteve aktive në Kosovë shkon në 4562, ndërsa 81 pacientë e kanë fituar betejën me Covid-19, për një total prej 15.722 pacientësh të shëruar.