Presidenti Trump ka mbështetësit e tij në Hollivud, por shumë aktorë e këngëtarë të famshëm janë demokratë. Shumë prej tyre kanë zgjedhur që muajt e fundit të bëjnë fushatë për kandidatin Joe Biden.
Ka nga ata që thjesht kanë mbështetur politikat e Biden, por edhe nga ata që kanë dhënë kontributin e tyre financiar për fitoren e tij.
https://www.youtube.com/watch?v=zdWBrhgGN2c
Aktori Dwayne Johnson, aktori i famshëm i filmave aksion, u shfaq për herë të parë pro Joe Biden më 27 shtator, në një video të shpërndarë prej vetë tij në rrjetet sociale. “Joe, ke një karrierë të pabesueshme dhe ke drejtuar ndër vite me dhembshuri, zemër, drejtësi e shpirt”, thotë Johnson. Aktorja Vivica A. Fox nuk është thjesht një mbështetëse e Biden. Ajo ka mbështetur çdo ditë fushatën e Biden, që kur ajo nisi në mars të këtij viti. Biznesmenia dhe ylli i ABC, “Black-ish”, Tracee Ellis Ross, bashkë me miket e saj, aktoret Eva Longoria, Kerry Washington dhe Julia-Louis Dreyfus, çelën Konventën Kombëtare të Demokratëve për 2020-ën, në mbështetje të fortë të Biden. Tracee tha se nominimi i Kamala Harris për postin e zëvendëspresidentes, është një moment historik, për këdo që beson te njerëzit. Reperja Cardi B, nga një mbështetëse e flaktë e ish-kandidatit për zgjedhjet presidenciale, senatorin e Vermontit Bernie Sanders, sot shfaqet në krah të Biden. “Do shkoj me Joe Biden sepse nuk mund ta shoh Amerikën sërish në vrapin e shpejtë të numrit 45” thotë Cardi B, duke iu referuar Trumpit si presidenti i 45 i SHBA-së. Mark Cuban, drejtues i “Dallas Mavericks” dhe panelist prej një kohe të gjatë të emisionit “Shark Tank” në ABC, tha se mbështet Biden në këto zgjedhje. “Donald Trump nuk do të drejtojë një vend. Ai do vetëm të drejtojë një fushatë”, tha ai. “Ndërsa Joe Biden aktualisht po drejton vendin”. Patinatorja olimpike, Michele Kwan, e cila ka punuar edhe në Departamentin e Shtetit si e dërguara e politikave publike e SHBA, iu bashkua fushatën së Biden, si një prej drejtueseve të saj. Kjo do të thotë se 2 herë fituesja e medaljes së artë dhe 5 herë kampionia e botës në patinazh, përfaqësoi Biden në çdo event dhe qëndroi në një linjë me mbështetësit e tij. “Besoj se zv.presidenti Biden është kandidati ideal për të bashkuar vendin, duke luftuar për amerikanët”, tha Këan për mbështetësit e saj në Instagram. Komediani Keegan-Michael Key, që ka imituar në videot e tij ish-presidentin demokrat Barack Obama, ka qenë aktiv muajt e fundit, në një fushatë pro kandidatit Biden, dhe një financues i fushatës së tij. Reperi Common dhe këngëtari John Legend prej muajsh po ashtu janë rreshtuar krah Biden, që nga konventa e demokratëve, ku u shfaqën në skenë, duke kënduar edhe këngën “Glori”, “Lavdi”. Mes këngëtarëve në krah të Biden është edhe DJ, tekstshkruesi dhe producenti i famshëm Diplo. Në krah të Biden janë rreshtuar edhe performuesi i famshëm i Broadway, Billy Porter Çifti i famshëm Tom Hanks dhe Rita Wilson, një nga më të famshmit dhe me influencë të Hollivudit, kanë bërë dhurime për fushatën e Joe Biden. Wilson, po ashtu, ka shprehur mbështetjen e saj financiare për kandidaten për zëvendëspresidente, senatoren e Kalifornisë, Kamala Harris, që prej 2019-s, përpara se Harris të zyrtarizohej për postin e numrit 2 të Shtëpisë së Bardhë. David Crosby, një nga muzikantët më të famshëm amerikanë po ashtu mbështet dhe financon fushatën e Biden. Aktori, regjisori dhe aktivisti, George Clooney, është konsideruar një nga yjet e showbizit që i ka ofruar mbështetjen e tij Joe Biden, që në fillimet e tij. Madje, ai organizoi edhe një mbrëmje mbledhje fondesh virtualisht, së bashku me ish-presidentin Obama. Robert de Niro Madonna është këngëtarja e çmendur pas Joe Biden, duke e quajtur madje Donald Trumpin një psikopat në krye të Shtëpisë së Bardhë. Leonardo DiCaprio