Jorida Tabaku poston videon: Përse gënjen Erjon Veliaj për shkollën Sami Frashëri?

WhatsApp Image 2020 07 17 at 12.16.00 1100x620
Ish-deputetja demokrate, Jorida Tabaku, ka akuzuar kryebashkiakun e Tiranës, Erjon Veliaj se ka gënjyer për faktin që shkolla Sami Frashëri do të ndërtohet me fondet e BE-së. Përmes një postimi në Facebook, Tabaku shton se Veliaj ende nuk ka bërë transparencë me procedurat e tenderit. “Një javë me radhë kam pyetur EV për pretendimin se fondet e BE për tërmetin do ndërtojnë shkollën Sami Frashëri. Ai hesht dhe fyen. Faktet?! Shkolla “Sami Frashëri” nuk do ndërtohet me fondet e BE. Atëherë, përse gënjeu dhe gënjen? Ngaqë do të fshehë të vërtetën që thërret në mes të sheshit. EV sot e kësaj dite nuk ka bërë ende transparente procedurat e tenderit. Gënjeshtra ka hundën e gjatë dhe këmbët e shkurtra. Fatkeqësisht gënjeshtarët kanë gjuhën e gjatë dhe iu mungon cipa!”, shkruan Tabaku.