Kryedemokrati Basha ka akuzuar sërish kryeministrin Rama se nuk merret me situatën kritike që është krijuar në vend për shkak të pandemisë, por zgjedh të zhvendosë vëmendjen duke u bërë zëdhënës i Beogradit.
Sipas Bashës, kreu i mazhorancës është përgjegjës për jetët e humbura dhe shëndetin e shqiptarëve.
“Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve. Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë”, shkruan Basha në Twitter.