Vllaznia mposht Skënderbeun dhe merr kreun e Superiores

vllaznia 2 1100x620

Skuadra e Vllaznisë është ngjitur në krye të renditjes së Kategorisë Superiore e vetme, pasi fitoi në transfertë 0-2 ndaj Skënderbeut, në javën e dytë të kampionatit.

Shkodranët e vulosën rezultatin brenda pjesës së parë. Fillimisht ishte Haris Dilaver që e dërgoi topin në rrjetën e korçarëve, ndërsa më pas goli i dytë u shënua nga braziliani Da Silva.

Më herët, Tirana u mund nga Teuta 0-1, Partizani mposhti Kukësin 0-2, ndërsa dy ndeshjet e tjera u mbyllën në barazim, Apolonia-Bylis 2-2 dhe Laçi-Kastrioti 1-1.

Pas dy ndeshjeve, Vllaznia është në krye me 6 pikë, ndërsa Kastrioti dhe Teuta kanë nga 4 pikë.