Kreu demokrat, Lulzim Basha, ka publikuar sot një video me deklaratat e kryeministrit Rama, sipas të cilit janë mashtrime. Përmes një postimi në facebook, Basha thekson se shqiptarët kanë nevojë për ndihmë e më shumë teste, ndërsa nënvizon se plani i PD-së ofron zgjidhje. Sipas tij, kjo nuk është çështje politike, është çështje për jetë a vdekje!
“Qytetarët shqiptarë meritojnë më shumë. Më shumë teste, më shumë ndihmë, më shumë zgjidhje. Plani ynë ofron zgjidhje dhe përfshin rimbursimin e plotë të shpenzimeve për personat e prekur me covid që kurohen në shtëpi. Kjo nuk është çështje politike, është çështje për jetë a vdekje!”, shkruan Basha.