Vuçiç për dialogun me Kosovën: Duhet zgjidhje sa më shpejt, të shmangim një konflikt të ri

Vucic serbi  1100x620

Presidenti i Serbisë, Aleksandër Vuçiç, tha se duhet gjetur një zgjidhje sa më shpejt me Kosovën.

Sipas tij, ajo duhet të vijë përmes dialogut të udhëhequr nga Bashkimi Europian, teksa theksoi se situata në Nagorno-Karabak dëshmoi rrezikun e një konflikti të ngrirë.

“Ne duhet të nxjerrim mësimet e duhura nga ajo që ndodhi në vitet ‘90. Ne nuk duhet t’u lëmë fëmijëve tanë një konflikt të ngrirë, por duhet të punojmë për një zgjidhje kompromisi”, u shpreh Vuçiç pas takimit me ambasadorët e QUINTIT dhe të BE-së.

Ai shtoi se arritja e një kompromisi do të jetë e vështirë, pasi për këtë duhet të dakordësohen të dyja palët. Presidenti Vuçiç shtoi se pavarësisht se çfarë ndodh, Serbia do të mbështetet në forcat e saj dhe njoftoi se do të vazhdojë me fuqizimin ekonomik dhe ushtarak të vendit.