Paguani një herë dhe rrini sa të doni në këtë resort përrallor

Një resort në Maldive e ka çuar në një tjetër nivel konceptin “paguaj dhe ha çfarë të mundesh”, duke u ofruar turistëve një paketë 30 mijë dollarëshe për të qëndruar sa të kenë dëshirë dhe mundësi.

Me këtë pagesë, resorti Anantara Veli, lejon përdorimin e një kabine mbi ujë për dy persona për një periudhë të pacaktuar gjatë vitit 2021, duke përfshirë edhe udhëtimin dhe transfertat nga aeroporti në ishullin privat.

Personat që do zgjedhin këtë paketë do të kenë edhe përfitime të tjera përveç shfrytëzimit të plazhit dhe pishinës, me oferta speciale për trajtime në spa, leksione sërfi dhe zhytje nën ujë.

Qeveria e ishujve në oqeanin Paqësor ka ndërmarrë disa incentive për të shtyrë turistët të vizitojnë vendin për të rimëkëmbur ekonominë, që varet thuajse 100% nga turizmi ndërkombëtar. Ishujt Maldive ishin ndër të parat që u hapën për të huajt gjatë pandemisë, duke shfrytëzuar faktin që pjesa dërrmuese e hoteleve dhe resorteve janë në ishuj të largët dhe privat, jo të mbipopulluar, ku protokollet e sigurisë janë të zbatueshme.