Uragani shkakton me dhjetëra viktima në Amerikën Qendrore

Shkon në të paktën 28 bilanci i viktimave nga uragani Iota në Amerikën Qendrore.

Tanimë erërat e kanë ulur shpejtësinë, duke u klasifikuar një stuhi tropikale, por mbrëmë goditi Hondurasin, vend në të cilin autoritetet njoftuan një bilanc provizor për momentin që parashikon 18 humbje jete mes të cilëve fëmijë.

Ajo që përbën problemin më të madh është numri i të mbeturve të bllokuar që njoftohet të jetë me miliona persona që nuk arritën t’i shpëtonin stuhisë së erërave që solli përmbytje dhe dëme të shumta. Mijëra familje, ndërkohë, arritën të shpërnguleshin nga zonat më të rrezikuara.