Në 1-vjetorin e tërmetit, kreu i PD-së u shfaq në Thumanë. Shtëpia e dëmtuar e familjes Çuka, e cila në 2019-n kishte dhe humbje jete, ishte shembulli që sipas Bashës asgjë nuk kishte ndryshuar.
Shembuj sesi qeveria kishte fituar para nga fatkeqësitë, erdhën dhe nga selia blu prej ekipit që kishte ndjekur nga afër rindërtimin.
Por, nuk mendon kështu mazhoranca e cila seancën e nisi me një 1 minutë heshtje për viktimat e 26 nëntorit dhe më pas akuzoi opozitën se po keqpërdor fatkeqsitë.
Presidenti Meta ishte konkret në kërkesat e tij. Kreu i shtetit apeloi që të ndalohet propaganda dhe të bëhet më shumë transparencë.