Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Zhduket monoliti misterioz i gjetur në Utah

Nga A2 CNN
29 Nëntor 2020, 11:42 | Lifestyle
Zhduket monoliti misterioz i gjetur në Utah

Monoliti misterioz metalik i gjetur në shkretëtirën e largët të Utah në Shtetet e Bashkuara Perëndimore dhe që shkaktoi disa hipoteza ndërkombëtare për mënyrën sesi ishte vendosur,  është zhdukur.

Zyra e Utah për Menaxhimin e Tokës tha se kishte marrë raporte të besueshme se objekti ishte hequr nga të panjohur të premten në mbrëmje.

Objekti me shkëlqim të argjendtë 3 metra e gjysmë i gjatë u gjet më 18 nëntor nga zyrtarët lokalë në shkëmbinjtë e kuq të jugut në Utah.

Megjithëse zyrtarët nuk pranuan të zbulonin vendndodhjen e monolitit nga frika se turistët kuriozë do të mblidheshin në shkretëtirën e largët, disa eksplorues mundën ta gjurmojnë atë.

Lajmi për zbulimin u bë shpejt viral, dhe shumë vunë re ngjashmërinë e objektit me monolitët e çuditshëm të huaj nga filmi klasik fantashkencor i Stanley Kubrick '2001: A Odyssey Space'.

A2 CNN Livestream

Debat - nga Alba Alishani