Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Zbulohet një varr masiv në Serbi, me shqiptarë të vrarë gjatë luftës së Kosovës

Nga A2 CNN
4 Dhjetor 2020, 17:00 | Ballkani

Mbetjet njerëzore që besohet të jenë trupat e dhjetëra shqiptarëve etnikë të vrarë gjatë luftës 1998-99 në Kosovë janë gjetur brenda Serbisë, tha një zyrtar serb të premten.

Më shumë se dy dekada pas përfundimit të konfliktit në Kosovë, kërkimi për viktimat mbetet një pengesë kryesore për përmirësimin e marrëdhënieve midis Beogradit dhe Prishtinës.

Hetuesit përdorën imazhe satelitore për të gjetur varrin masiv në një minierë të hapur në Kizevak në jug të Serbisë.

Sipas kreut të Komisionit të Serbisë për Personat e Zhdukur, Veljko Odalovic, mendohet se mund të jenë rreth 17 trupa.

Ekspertja Suzana Matejic tha se hetimi i mëtejshëm do të frenohet për shkak të dimrit dhe kufizimeve të koronavirusit.

Më shumë se 13,000 njerëz besohet të kenë vdekur gjatë luftës në Kosovë. Luftimet përfunduan në 1999 pas sulmeve ajrore të NATO-s kundër Jugosllavisë. Shumica e viktimave ishin shqiptarë etnikë dhe ende janë qindra të zhdukur.

Përfaqësuesi i Kosovës për personat e zhdukur, Ibrahim Makolli, tha se duhet të jetë përparësi, gjetja e përgjegjësve për vdekjet, duke shtuar: "Ata duhet të marrin dënimin e merituar."

Zbulimi erdhi si pasojë e përpjekjeve nga Serbia, Kosova, Komiteti Ndërkombëtar i Kryqit të Kuq dhe EULEX, misioni i drejtësisë dhe policisë i BE-së në Kosovë.

Varri masiv më i madh nga lufta i gjetur deri më tani, që përmbante trupat e më shumë se 800 shqiptarëve të Kosovës, u gjet në 2001 në një kompleks policie afër Beogradit.

Kosova shpalli pavarësinë në 2008-ën, por Beogradi refuzon ta njohë atë. Serbia ka aplikuar për të qenë një anëtare e Bashkimit Evropian dhe Kosova gjithashtu dëshiron të jetë pjesë e BE-së, por të dy duhet të normalizojnë lidhjet para se t’i bashkohen unionit.

A2 CNN Livestream

Dita jonë