Dezinformimi në Ballkan, Parlamenti Europian: Faktori i jashtëm ndikon që të “largohet” integrimi

Dezinformimi është një pjesë shume tipike për Ballkanin dhe e kudondodhur në politikën e këtyre vendeve pa përjashtim.

Një raport i Parlamentit Evropian, i cili bën edhe një skanim shtet për shtet për dezinformimin dhe atë që ne e quajmë “fake news”, nga 2018 deri në 2020 zbulon tre sfida kryesore të dezinformimit: sfidat e jashtme të besueshmërisë së BE; dezinformimi në lidhje me pandeminë e Covid-19; dhe ndikimi i dezinformimit në zgjedhje dhe referendume në këto vende të Ballkanit.

Në mjedise më konkurruese politike, të tilla si Shqipëria, Kosova dhe (deri në një farë mase) Maqedonia e Veriut, dezinformimi tenton të përdoret në mënyrë oportuniste nga të gjitha palët, duke ndjekur me shume qëllime afatshkurtra sesa strategji afatgjata, verën ky raport.

Në studim vihet re se dezinformimi po përdoret gjerësisht për të minuar besueshmërinë që këto vende kanë ndaj Bashkimit Europian dhe anasjelltas. Mekanizmi që vëren Parlamenti Europain është manipulimi përmes dy teorive. E paral është amplifikimi i ndarjeve shumë të thella që ka Ballkani me vendet e Bashkimit Europian, pra e thënë thjesht jemi vite drite larg dhe nuk e arrijmë dot standardin e tyre, dhe e dyta idealizmi që do të thotë lufta që bëhet për të amplifikuar identitetin europian të vendit të tyre dhe e ardhmja që vjen nga futja në BE.

Në gjithë këtë luftë dezinformomi, sipas studimit të Parlamentit Europian, ajo që shihet si më e rrezikshmja është ndikimi i faktorit të jashtëm përmes shoqërisë civile të këtyre vendeve pikërisht në këtë luftë.

Konkretisht është Rusia në rolin më të fuqishëm në këtë dhe në një masë shumë më të vogël, ajo e Kinës, të cilat do të vazhdojnë të përqendrohen në Ballkanin Perëndimor si teatër kritik për bllokimin e zgjerimit të institucioneve Euro-Atlantike. Dezinformimi ka qenë dhe ka të ngjarë të mbetet një mjet kryesor në këto përpjekje, gjeostrategjike të Rusisë.

Pandemia Covid-19, gjithashtu, ka siguruar terren pjellor për dezinformim. Qeveritë në të gjithë Ballkanin Perëndimor janë përpjekur të falsifikojnë të dhënat e tyre për trajtimin e pandemisë, ndërsa të tjerët kanë injektuar shumë nga të njëjtat pretendime të rreme të gjetura diku tjetër. Përveç kësaj, Kina dhe, në një masë më të vogël Rusia, kanë përdorur pandeminë si një mundësi për të ndërtuar një levë në opinionin publik, në kurriz të BE-së.