Fasonët letër qeverisë, falni gjobat dhe kamatëvonesat e periudhës së pandemisë

MB FASONET frame 0 1100x620

Industria fason kërkon nga qeveria faljen e gjobave dhe kamatvonesave për gjithë periudhën e pandemisë.

Pro Eksport Albania i ka dërguar një letër ministres së Financave, Anila Denaj dhe ministrit për Mbrojtjen e Sipërmarrjes, Eduart Shalsi, në të cilën parashtron shqetësimin se Drejtoritë Rajonale të Tatimeve, Doganat, OSSHE dhe Drejtoritë e taksave vendore te Bashkive, po mbledhin gjobat dhe interesat e sistemit të gjeneruara nga Marsi 2020, pra në periudhën e pandemisë.

Industria fason vlerëson se ky është një veprim absurd, që nuk po ndodh në asnjë vend tjetër, pasi biznesi nuk është në situatë normale.