Demokratët e quajnë të respektuar marrëveshjen e 5 qershorit. Ligjet që shoqëronin kodin zgjedhor nuk u prekën në thelb, por jo në sajë të vullnetit të mazhorancës, por presionit të PD dhe ndërkombëtareve.
Si një prej përfaqësuesve të PD-së në Këshillin Politik, Ivi Kaso thotë se pati deri në momentin e fundit tendencë nga mazhoranca për të sabotuar ligjet që përforconin siguresat e një procesi zgjedhor të drejtë.
“Veçanërisht kjo për sa i përket kompetencës së SPAKU-ut për të hetuar krimet zgjedhore, dhe kjo ka qenë pika kryesore që është tentuar të sabotohet në Komisionin e Ligjeve”, thotë Kaso për A2.
Rreth 6 muaj më pas nga dakordësia në Këshillin Politik, mazhoranca miratoi me përshtatje të vogla paketën e ligjeve të marrëveshjes së 5 qershorit.