Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Pjesa më e madhe e botës po vuan nga koronavirusi, por në Wuhan nuk pushon festa

Nga A2 CNN
17 Dhjetor 2020, 12:14 | Bota

Nga njerëzit që mbushin plot tragetet lokale, tek ata që kërcejnë të shpenguar nëpër sheshet e qytetit. Jeta e natës në Wuhan, është rikthyer me të gjithë fuqinë, gati 7 muaj pasi qyteti hoqi kufizimet strikte, dhe të rinjtë e pasionuar pas festave po përqafojnë katarsisin.

“Gjatë pandemisë, Wuhani ishte vërtet një qytet i vdekur. Por, më pas u rihap dhe nuk kam parë kurrë kaq shumë njerëz”, shprehet një banor.

Në skena të paimagjinueshme në qytetet e tjera rreth botës që po vuan nga një rigjallërim i pandemisë, banorët e rinj të Wuhanit po rifitojnë kohën e humbur, duke mbushur klubet e natës e duke u përfshirë në aktivitete me pjesëmarrje massive.

Në një birrari të mbushur me njerëz, Zhang Qiong po shijon një natë jashtë me miqtë.

“Pasi përjetova valën e parë të pandemisë në Wuhan e më pas lirinë, duket se kam fituar një jetë të dytë.”, shprehet ai.

Jashtë, të rinjë pa maska dynden në rrugë, konsumojnë alkol e duhan e luajnë lojëra rruge. Rigjallërimi i jetës së natës në qytetin ku e pati origjinën virusi që sot po terrorizon botën, ofron një vështrim tek jeta e pas pandemisë, që shumë shpresojnë se do të bëhet realitet pas shpërndarjes globale të vaksinave.

wuhani nuk raporton asnjë rast të transmetimit lokal të virusit që prej 10 majit, pasi ju nënshtrua një prej izolimeve më të rrepta në të gjithë botën.

A2 CNN Livestream

Dita jonë