Urimi i fundit si kancelare, Merkel e cilëson 2020-n si vitin më të vështirë

Përditësuar më: 31/12/2020, ora 13:39
merkel 1 1024x576

Urimi i fundit si kancelare, Merkel e cilëson 2020-n si vitin më të vështirë

Përditësuar më: 31/12/2020, ora 13:39

Për Angela Merkelin, 2020 ishte viti më i vështirë gjatë lidershipit 15-vjecar. Megjithatë në fjalimin e fundit si kancelare me rastin e vitit të ri, Merkel tha se nisja e vaksinimit e bënte 2021-shin, një vit shprese.

Në në një shfaqje të rallë të emocioneve, udhëheqësja që priu Gjermaninë dhe Bashkimin Europian përmes krizës fianciare të vitit 2008, dënoi lëvizjen e protestave kundër lockdownit, dhe tha se do ta merrte vaksinën kur ajo të ishte e dispinueshme për të gjithë.

“Mendoj se e nuk ekzagjeroj kur them se kurrë, në 15 vitet e fundit nuk na është dukur më i vështirë viti që po linim pas, e pavarësisht të gjitha shqetësimeve dhe skepticizmit nuk kemi pritur kurrë me kaq padurim që të vijë i riu.”, shprehet Merkel.

E vlerësuar për menaxhimin e valës së parë të koronavirusit, fizikantja e kthyer në një prej politikaneve më të suksesshme ne botë, është përballur me kritika për atë që perceptohet si dështim në luftimin e valës së dytë.

“Mundem vetëm të imagjinoj se si mund të ndihen ata që kanë humbur të dashurit nga koronavirusi, apo që luftuan me pasoja e një sëmundje që mohohet nga disa individë. Teoritë konspirative janë jo vetëm false e të rrezikshme por edhe cinike e mizore.”, shtoi kancelarja.

Mandati i katërt dhe i fundit i Merkel u shënua nga pakënaqësi Brenda konservatoreve pas humbjeve në zgjedhjet rajonale, që shumë ja atribuan vendimit për të mirëpritur më shumë se 1 milion azilkërkues në 2015.