Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

McConnell dhe Pelosi në shënjestër të vandalëve

Nga A2 CNN
3 Janar 2021, 12:58 | Bota
McConnell dhe Pelosi në shënjestër të vandalëve

Disa amerikanë kanë vandalizuar banesat e liderëve të Kongresit Amerikan. Ata shfaqën pakënaqësitë e tyre për mos ndryshimin e çekut prej 600 dollarësh ndihmë për qytetarët, duke hedhur bojë të kuqe në shtëpinë e Nancy Pelosi dhe Mitch McConnell.

Vandalët në Shtetet e Bashkuara sulmuan shtëpitë e liderëve të Kongresit, Nancy Pelosi dheMitch McConnell. Bojë e kuqe që simbolizon gjakun dhe kokë derri u lanë pranë banesës së kryetares së Dhomës së Përfaqësuesve në Kaliforni.

Gjithashtu ndaj demokrates pati dhe mbishkrime e parulla me grafiti. Në banesën e republikanit McConnell në Kentaki, u raportuan mbishkrime si “Ku janë paratë e mia” dhe ofendime të tjera.

Kjo erdhi mes betejës politike për pakon e ndihmës ekonomike për qytetarët amerikanë, të prekur nga pandemia koronavirus. Të martën e kaluar, Dhoma e Përfaqësuesve miratoi një rritje të ndihmës për individët nga 600 dollarë në 2 mijë.

Ndryshimi u miratua në parlamentin me shumicë demokrate edhe me ndihmën e 40 ligjvënësve republikanë. Megjithatë Senati, i cili kontrollohet nga republikanët, nuk aprovoi ndryshimin për t’u dhënë më shumë para amerikanëve, pavarësisht thirrje të presidentit, Donald Trump për ta mbështetur atë.

A2 CNN Livestream

Ditari nga Denisa Pasholli