Muzikë dhe shpejtësi, shqiptarët filmuan aksidentin “live” në “Facebook”

aksidentiii 1100x620

Me këngën “Daja” të Bes Kallakut dhe Ermal Fejzullahut, dy shqiptarë që jetojnë në Santa Maria a Monte të Italisë, teksa udhëtonin me një automjet dhe me shpejtësi, përfunduan në një furrë buke.

Ata e kanë filmuar aksidentin, teksa njëri prej tyre ishte “live” në “Facebook”, teksa po udhëtonin nga Montecalvoli në Ponticelli.

Për fat të mirë, automjeti fillimisht u përplas me kangjellat rrethuese të furrës së bukës dhe më tej makina përfundoi brenda dyqanit. Ata u transportuan menjëherë në spital, ku ndodhen jashtë rrezikut për jetën.

Të dy janë kryefamiljarë dhe nuk kishin precedentë penalë, ndërsa karabinierët po kryejnë hetime për të verifikuar nëse janë kryer shkelje të kodit të autostradës.