Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Xhaçka takon ambasadorin Soreca për hapat e integrimit, më pas komunikim me Varhelyi

Nga A2 CNN
8 Janar 2021, 13:41 | Politikë
Xhaçka takon ambasadorin Soreca për hapat e integrimit, më pas

Ministrja për Europën dhe Punët e Jashtme, Olta Xhaçka, është takuar sot me ambasadorin e Delegacionit të Bashkimit Europian në Tiranë, Luigi Soreca, për nisjen e asistencës teknike në procesin e integrimit. Në një postim në Twitter, Xhaçka thekson se do të angazhohen të gjitha burimet për t'u përgatitur për hapjen e negociatave Shqipëri – BE.

“Shkëmbim konstruktiv i pikëpamjeve mbi procesin e integrimit dhe fillimin e projektit për asistencën teknike për integrimin (SEI). Mirënjohje për ndihmën e dhënë nga Bashkimi Europian për Ministrinë për Europën dhe Punët e Jashtme dhe institucionet e tjera shqiptare, si dhe për kontributin personal të ambasadorit Soreca. Integrimi do të jetë gjithmonë objektivi ynë më i rëndësishëm strategjik. Do të angazhojmë të gjitha burimet dhe energjitë tona, për t'u përgatitur për hapjen e negociatave Shqipëri – BE”, shkruan ministrja.

https://twitter.com/xhacka_olta/status/1347512687522172928

Nga ana e tij, edhe ambasadori Soreca theksoi se  u diskutuan hapat e ardhshëm në prag të Konferencës së Parë Ndërqeveritare.

“Në takimin e parë sot me ministren, Olta Xhaçka, diskutuam hapat e ardhshëm të integrimit në Bashkimin Evropian. Puna që duhet bërë në muajt e ardhshëm, por perspektiva është e qartë në prag të Konferencës së Parë Ndërqeveritare. Unë vlerësova Shqipërinë në përputhje 100% me politikën e jashtme të BE-së dhe rolin pozitiv të saj në nivel rajonal”, shkruan Soreca.

Po sot, ministrja Xhaçka do të ketë një takim virtual me Komisionerin për Fqinjësinë dhe Zgjerimin, Oliver Varhelyi.

https://twitter.com/LSorecaEU/status/1347520580250165248

A2 CNN Livestream

Ditari nga Denisa Pasholli