Naomi Campbell rrëfen paragjykimet racore në karrierën e saj

naomi 1100x620

“Asnjëherë nuk kisha planifikuar të isha modele. Asnjëherë nuk e kisha menduar. Si adoleshente doja të kërceja dhe isha e lumtur që studioja arte teatri në shkollë. Vetëm kur takova Beth Boldt, shefen  e Agjencisë Synchro, më lindi për herë të parë ideja e modelimit”. Kështu e nis rrëfimin për karrierën e saj modelja e njohur, Naomi Campbell.

Ndërsa tregon paragjykimet për shkak të ngjyrës, modelja rrëfen me emocion mbështetjen e madhe që ka pasur nga dy modelet e tjera të kohës, Linda Evangelista dhe Christy Turlington.

“Kur fillova për herë të parë, kisha mbështettjen e Linda (Evangelista) dhe Christy (Turlington). Nuk po më rezervonin për sfilata të caktuara për shkak të ngjyrës së lëkurës sime. Për çfarëdo arsyeje, ata stilistë thjesht nuk i përdornin vajzat me ngjyrë. Nga pjesëmarrja në audicione dhe interpretimi në moshë të re, kuptova se çfarë do të thoshte të ishe i zi.

Por, unë isha me fat që Linda dhe Christy më mbështetnin mua. Ato u thanë disa disejnatorëve se nëse donin t’i kishin në sfilatat e tyre, ata duhet të më rezervonin edhe mua. Kjo lloj mbështetje ishte e padëgjuar. Do të më emocionojë gjithmonë. Kur shkova në ato sfilata, ndjeva një ndjenjë të madhe të fitores, por edhe mirënjohje”.

Campbell rrëfen se ka qenë me fat si modele me ngjyrë dhe apelon për të mos hequr dorë dhe për të përmbysur paragjykimet.

“Unë kam pasur sfidat e mia si një modele me ngjyrë, por në shumë mënyra jam ndjerë me pak fat. Nëse karriera ime më ka mësuar ndonjë gjë, është që ju gjithmonë mund t’i përmbysni paragjykimet, se kurrë nuk duhet të hiqni dorë. Racizmi është thjesht injorancë”.

Teksa kujton daljet e saj në kopertinat e Vogue Italia, France dhe American Vogue, modelja thotë se aty kupton rëndësinë e një modeleje me ngjyrë, paragjykimi për të cilat nuk shuhet plotësisht.

“Më pëlqen të mendoj se kjo industri po bëhet më e mirë për modelet me ngjyrë. Ju shikoni vajza me ngjyra në pasarelë, dhe është inkurajuese të keni vajza si Joan Smalls në fushatat për Chanel dhe Liya Kebede në Bottega Veneta. Gjërat kanë ndryshuar. Por, paragjykimi nuk shuhet kurrë plotësisht.

Tani po përpiqem të ndriçoj një dritë mbi Afrikën, të lidh dizajnerët dhe modelet afrikane me komunitetin global, përmes bashkëprodhimit të Arise Fashion Week në Lagos dhe kryesimit të eventeve të tilla si Samiti i Grave Drejtuese të Grave Forbes 2019 në Durban. Nuk mund t’i bëj të gjitha, por mund të bëj pjesën time. Tërheqja nuk është një fjalë që dua të përdor. Qetësi ndoshta, por “të tërhiqem” kurrë”, përfundon Campbell.