Izraeli vijon të kryesojë me programin e vaksinimit anti-Covid

Untitled collage 2021 01 11T103500.894 1100x620

Në një kohë kur shumë vende ende nuk kanë marrë dozat e vaksinës anti-Covid, Izraeli do të nisë këtë javë programin masiv të vaksinimit, duke vazhduar të jetë në krye edhe ndaj vendeve më të zhvilluara në botë.

Në një deklaratë për shtyp nga aeroporti “Ben Gurioni”, kryeministri Netanjahu u shpreh se nga e hëna vendi hebre do të vaksinojë 170 mijë persona në ditë.

“Kjo është një ditë e madhe për Izraelin. 170 mijë qytetarë do të vaksinohen çdo ditë. Ky është një rekord botëror”, tha kryeministri.

Tashmë në Izrael, personat mbi 60 vjeç kanë marrë dozën e dytë të vaksinës së Pfizer dhe nga dita në ditë do të nisë vaksinimi dhe i grupmoshës mbi 50 vjeç.